你同意嗎？香港追女仔拍拖價目表

香港追女仔拍拖價目表

1. 乖乖女/宅女
乖乖女型女朋友都較痴家，唔鍾意四圍去，甚至每晚12點前要番到屋企報到。所以，你唔需要擔心錯過尾班車而要飛的送佢番屋企，交通費可以慳番一大截！

雖然乖乖女唔會要求男朋友送名貴禮物，但男仔都要識做間唔中送上小驚喜，例如小手作，氹吓女友。接近乖乖女嘅類型仲有宅女，宅女出名懶，男朋友最好就唔好叫佢哋出街同人迫，留係屋企煮飯仔就最好，一齊行超市買餸價格仲可以增進感情添！

平均每月開支
飲食費: $500-800
交通費: $200
小驚喜費: $100-200
行街費: $500 (乖乖女) / $0 (宅女)
合共: $1,300-1,700

2. (偽)文青
如果你同(偽)文青女仔拍拖，相信最常去嘅3個地方一定係：Cafe、書店同草地。去得Cafe，唔食淨飲，一杯咖啡閒閒地都要三、四十，食埋個all day breakfast差唔多每人要$100先落到樓，男仔分分鐘仲唔夠飽要事先食多個餐打底，貴夾唔飽！

好在去書店同草地使費都唔高，最多陪女朋友買下書同整吓菠蘿腸仔。文青型女仔未必鍾意行街shopping，但有一大興趣 — 影相！用電話/數碼相機影當然無問題，不過(偽)文青型女仔好多都鍾意影寶麗來同菲林相，又要花一筆！

平均每月開支
飲食費: $1,000-1,500 (未必飽)
交通費: $300-600
行街費: $350-600
攝影費: $150-300
合共: 每月$1,800-3,000

女神講心定講金？香港追女仔拍拖價目表

3. 旅遊型
女朋友係一個旅行型的話，你根本唔使擔心，因為呢類女仔平時多數唔鍾意奢侈品，亦唔會要求男友買，食飯、買衫都唔會太揮霍，寧願將錢留作旅行經費。男仔想陪女朋友去的話，就要係平日生活上慳啲，儲錢去旅行啦！不過，旅行期間難免會行街shopping，視乎女友喜愛購物程度及目的地，平時慳埋的錢大可能一筆過用哂……

平均每月開支
食飯費: $500-800
交通費: $400
本地行街費: $500
海外行街費: $800-$2,000
旅行費/旅行基金: $1,000
合共: 每月$3,200-4,700

女神講心定講金？香港追女仔拍拖價目表

4. 名牌女
有一種女仔特別鍾意新鮮感，每逢有新餐廳、新商場、新戲等等推出，都絕對唔放過，愈貴愈想試。男仔要有心理準備經常去高級餐廳食飯，亦都要時不時送上名牌禮物氹女朋友，留住女友個心。

平均每月開支
食飯費: $2,000-4,000
交通費: $1,000-1,500 (搭的士多)
行街費: $1,000-1,500
大驚喜費: $1,000-1,500
合共: $5,000-8,500

看更多

下一頁

香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動

重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。