香港男人追女人之…港女是這樣鍊成的！

大部份普通男人既女友都係主動花好多時間追返黎，好少係女人追返你轉頭，或者互追一拍即合。女人要花好多時間追既，其實代表佢一開始係唔愛你+對你無感覺，愛你唔落咪比機會你慢慢追，比你做好多佢想人地對佢做既事，黎提升佢對你既好感。

對一個同時比一百人追緊既女人黎講，比呢一個機會只係算順眼既你，當然已經算係一個恩惠，所以你稍有不如意，當然係扣分收場，男士記住一點，佢從來都唔係鍾意你，所以無必要就你同顧及你感受，所以修養不足既女人鍾意發你脾氣就發你脾氣，鍾意黑你面就黑你面，有修養果d就唔理你，但氹你兩句果d唔係代表佢好人，只係可能佢有機心d，想收你做兵。

大部份女人普遍黎講都比大部份男人聰明，係情場上尤其係咁，搔首弄姿一番，裝溫柔裝可憐一番，故作神秘一番，都可以迷倒雄性生物一群又一群，百試百靈，倒亡於石榴裙下既枯骨何止千萬，英雄都難過美人關，更何況普通男人。

所以男人對於想追又追唔到既心儀女性，最好就係提升自己搵過第二個兩情相悅既，而唔係苦苦追求，因為即使比你排除萬難追到，都只係換來一個唔愛你個人，只係愛你做佢鍾意既行為既偽女友，你只係一個可替換既傀儡。

你講錯一句，做錯一件事，佢唔會念你無功又有勞，你需要進行道歉認錯保證不再犯送禮等等氹主子三四五步曲，先可以令佢唔扣你分，試問人誰無過，聖人都有錯，何況天生神經大條易發呆無記性童心未泯又傻的嗎既男人?

唯女子與小人難養也，一個本身唔愛你既女人，就係女人同小人旵混合體，女人天性愛美，母親既天職又令佢地對追求優質既生活有異常既渴求同執著，用以確保下一代生存成長。

此消彼長底下，你外表長相經濟能力又唔係好優質，再做錯少少野，女人個腦擅長記唔開心野加上一個情緒主導既大腦，你唔氹佢+唔滿足佢所想要既生活，你就係一個fail左既傀儡，需要reprograme/replacement，有時fix既timecost太高就會fix都慳返。

你無論到拍拖既任何時段，都要記得呢個女人從來都唔係鍾意同愛真正果個你，而且你只係順眼同會做佢想"男朋友"做果d行為而同你一齊，佢係同唔到佢男神一齊，或者同男神一齊佢做唔到唯一既女朋友，所以先同你一齊，因為佢需要一個男朋友去為佢做某某某d野，去滿足佢心理需要。

女人互相比較同妒忌係天性之一，有時唔係你女朋友想港女，而且佢生活圈子接觸既女人港女，佢唔想比人覺得佢失敗，想被群體認同而被同化，加埋之前d原因，一個難養難氹難服侍既港女女友就咁鍊成。

看更多

下一頁

香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動

重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。