老公話要同我離婚...離唔離好?

話說由於小朋友出世，系2012年搬左返去同奶奶住。奶奶有兩個工人，因為佢有cancer,一個負責煮飯煲中藥，一個負責清潔洗衫。因為我們搬了入去住，因為我系在職媽媽，就分派一個負責照顧BB(B),另一個就煮飯洗衫。工人工作量多了，實唔滿意。於是咪同奶奶投訴，甘奶奶咪將壓力轉向我，想我放棄事業，全職湊B。唔系我唔想，而系死佬一份人工真系搞唔掂（我比死佬搵多一皮）。

因為BB夠兩歲，開始讀N班，因為奶奶果度系交區，返學要坐校巴，於是我一路游說死佬買樓近返BB返學，唔使坐校車。於是，2014年頭購入了新單位，接著也自己請左個新工人系新居負責湊B。

因為BB12月返學，我地就系舊年11月中同新工人一齊搬左入去住。新工人做得很差，同死佬商量後，系12月中決定同奶奶交換叫工人B過來湊B,另一邊我們亦開始再請新工人，奶奶也願意。

之後死佬的??走左，BB生病發燒入院兩個禮拜，有嚴情緒病，大家都好唔開心。原本新工人應該系1月返工，點知出左visa之後又失左?，又要重新再請工人。

點知系1月中，奶奶話我地個工人太差，要即炒，話佢果個工人情願一個人做唔放假都要炒。我地也很順攤地賠了一個月送走左佢。但之後一路又話要返個工人，同奶奶關係真的不是太好。同月，死佬的婆婆入院一個禮拜後又走左，本來入院果一個禮拜死佬想去探佢，但我衰，因為之前BB入院兩個禮拜都無人探佢，都懶懶閑，最後系佢婆婆昏迷下才去醫院。。。大家關係更差。。。

點知好快系前幾日年廿九，連死佬的患老人痴呆的公公都走埋。果日開始死佬成個人都好唔開心，話今年唔過年唔出街，唔拜年，唔派利是。

臨過年果日年三十，奶奶竟又話要返工人，為有同佢講死佬辭職湊B,工人年初一會返去。點知又話二月尾要安排葬禮，我咪老實話我地新工人未黎，要湊B,根本出席唔到,要等新工人黎先可以出席。點知老爺 話唔洗預我倆，我哭了，好委屈。最委屈的是，死佬認為是我錯。最後，因為無位，葬禮安排左系3月中（新工人有機會到?），我系當晚亦強行拉左死佬返娘家食團年飯。我哭了。

年初一，死佬唔肯返我娘家拜年，佢屋企人去左長洲玩（真的接受不了家人剛過身都可以去玩！），佢屋企叫我唔好返娘家，同死佬join佢地，我接受不了。我又再次哭了。

年初二，強行拉左死佬出街買日用品。其實，自年初一開始，死佬湊B湊得好辛苦，雖然日頭主力我湊佢幫手，但相比以前從來無幫手黎講真的會很辛苦，而且BB每晚3點幾才睡，真系辛苦到趴系度。

年初三，本來想買新自動吸塵機幫死佬手，點知睇唔到牌子。死佬又系十萬個不滿甘去街。當晚，死佬話同奶奶食飯，我唔想去，因為死佬都無同我屋企人食飯，點知BB唔肯跟佢去。本來預左會出街食飯，搞到咩都無準備過，成8點先即刻入廚房煮野俾BB食，BB得兩歲好naughty,真系辛苦到嘔。晚上死佬返到黎問我衝左涼未，我睇住BB邊有可能衝到涼？於是，開戰了。佢同我同工人比較，我咪話「佢甘好，你咪娶佢做老婆，離婚囉」
佢之後好冷靜甘講婚佢會離，唔會同我爭BB, 會初五搵律師樓搞。

看更多

下一頁

香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動

重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。