比成3萬蚊影輯垃圾PW…收到香港10大攝影師作品時想跳樓！
相信香港好多準新人都係普普通通的打工仔, 籌備婚禮上慳得一蚊得一蚊啦~我同鯊魚先生都唔例外!!!<澳洲> 對於我地呢D普通打工仔黎講, 可能一世人只會去一次~ 因為真係好貴!
去澳洲影PW係我的夢想, 皆因我同鯊魚先生都愛大自然, 愛動物~
好唔容易儲到錢去澳洲影一輯難忘的PW....... 地點選擇比較大自然的塔斯曼尼亞 Tasmania
心情非常之興奮!
而且...我明白..... 機會只得一次!
於是我好勤力上網做資料搜集....... 發覺有去澳洲影PW的攝影師唔多, 有影過塔斯曼尼亞的更加只有一,兩個!
我唔想浪費今次機會, 所以都好細心咁研究佢地過往的作品, 亦有Email問詳情. 最後, 我都係選擇左有<香港十大攝影師>之稱的Chxis Bxt Photography. 感覺上會有信心保證~
相約左上去當時位於尖沙咀厚福街的上樓鋪頭見面. 一開門先發現攝影師女朋友就是我堂妹的舊同事&朋友. 當時心諗: 識既應該更加好D, 更加放心啦~
當晚我地就決定Join 佢地去澳洲Tasmania影PW啦!
大慨傾左會去咩地方影, 影幾多日咁~
我地都有詢問: 除左Package價錢外, 仲有咩費用需要支付呢?
佢地既答案就係: 只有影相當日的租車錢及油錢
我地都覺得合理既, 始終澳洲地方大, 由一個地點去另一個地點路程都比較遠.......
之後, 再詢問如何租車呢? 皆因我與鯊魚先生會預早10天左右到達澳洲的.
攝影師女友P小姐當時回應是: 租車會由佢地自己負責, 到時俾返張單我地計數就得啦! 而且建議我們與攝影團隊分開租2架車, 因為有攝影器材, 行李箱等都會佔用車內空間的.
當然, 我地都唔會有問題啦~
結果, 我們2月10日到達澳洲展開我們的旅程時, 2月11日就收到Chris Whatsapp問係唔係坐我地架車啦?
但係我地已經租左車, 而且仲On The way添.....
對話內容如下:
講返呢輯垃圾Pre wedding 點解收到相時會想跳樓先:
1) 激到你想跳樓事項一: 交貨期接近一年
我地張單係2014年9月18日簽. 確定Join 佢地之前我曾經問過Chris交貨日期. 當時回應係:
一個半月內有相睇, 三個月內完成後製, 三個半月內有晒相簿油畫, 四個月內有埋Video
一個半月內有相睇, 三個月內完成後製, 三個半月內有晒相簿油畫, 四個月內有埋Video
結果呢? 我要不停追不停問, 佢就不停拖.......
2月中影完相, 到5月中先睇到相 (用左3個月時間)
5月31日我地選好60張相, 要到8月1日先收到所謂的執相, 但就連條裙上面好大撻<泥積>都無執走囉 (用左2個月)
8月11日我地睇完相, 發現仲有好多問題. 結果等到9月18日先再收到所謂的執相. (用左1個多月時間)
10月13日我們都終於放棄呢輯相, 即使所謂的執相仍然好唔滿意, 但我地都擔心時間問題, 唯有Confirm.....
5月31日我地選好60張相, 要到8月1日先收到所謂的執相, 但就連條裙上面好大撻<泥積>都無執走囉 (用左2個月)
8月11日我地睇完相, 發現仲有好多問題. 結果等到9月18日先再收到所謂的執相. (用左1個多月時間)
10月13日我們都終於放棄呢輯相, 即使所謂的執相仍然好唔滿意, 但我地都擔心時間問題, 唯有Confirm.....
結果11月, 12月我不停透過Whatsapp, facebook等不同途徑追問幾時先收到製成品,
原本答應會於聖誕節前可以交貨. 但到當日我親自打電話俾Chris同佢講下午會揸車去佢鋪拎製成品時, 佢先同我地講話因為聖誕節關係, 速遞派唔到貨......
OK! Fine~ 好彩我地Big day並唔係2015年, 否則應該要過晒Big day先收到貨囉~
終於, 12月尾我再追問情況時, Chrxs SEND左張相簿相俾我睇, 表示製成品已經於佢手上.
可惜...我一睇張相就發現鯊魚先生個名都串錯左!
真係好過份囉!
我同佢傾左咁耐, Whatsapp, facebook, 甚至我地簽既單上面都會有我地既英文名.... 其實只要稍為上心少少都會發現到~ 其實係唔應該錯囉!
結果, 我地係到1月初先拎晒所有製成品 (由拍攝計用左11個月時間)
原本答應會於聖誕節前可以交貨. 但到當日我親自打電話俾Chris同佢講下午會揸車去佢鋪拎製成品時, 佢先同我地講話因為聖誕節關係, 速遞派唔到貨......
OK! Fine~ 好彩我地Big day並唔係2015年, 否則應該要過晒Big day先收到貨囉~
終於, 12月尾我再追問情況時, Chrxs SEND左張相簿相俾我睇, 表示製成品已經於佢手上.
可惜...我一睇張相就發現鯊魚先生個名都串錯左!
真係好過份囉!
我同佢傾左咁耐, Whatsapp, facebook, 甚至我地簽既單上面都會有我地既英文名.... 其實只要稍為上心少少都會發現到~ 其實係唔應該錯囉!
結果, 我地係到1月初先拎晒所有製成品 (由拍攝計用左11個月時間)
2) 激到你想跳樓事項二: 完全唔掂的MUA
我剛剛提過上到去佢公司先發現原來攝影師女朋友P小姐就係我堂妹的舊同事兼朋友, 諗諗下好擔心MUA就係P小姐, 因為我認識P小姐時仍然係一位做文職工作的. 於是Whatsapp問下chrix
我剛剛提過上到去佢公司先發現原來攝影師女朋友P小姐就係我堂妹的舊同事兼朋友, 諗諗下好擔心MUA就係P小姐, 因為我認識P小姐時仍然係一位做文職工作的. 於是Whatsapp問下chrix
Chrxs亦都表示覺得P小姐絕對勝任. 我亦都明白影PW無得選MUA.
但結果真係嚇死你! 我每日早上都要用3小時化妝.... 你無睇錯, 係每一早都3小時呀!
化得好都唔緊要, 最慘係完全唔掂. 有圖有真相:
但結果真係嚇死你! 我每日早上都要用3小時化妝.... 你無睇錯, 係每一早都3小時呀!
化得好都唔緊要, 最慘係完全唔掂. 有圖有真相:
呢個動物園係我地影相的第一站. 請大家睇睇我個頭已經差不多想散.
再睇下鯊魚先生個髮型.....我真係暈低
咩料呀? 家下拍孫悟空續集定要做撒亞人?
3) 激到你想跳樓事項三: 總共影左591張相, 但差不多的最少有5張, 最多有32張.
以下就係我整輯PW的所有相....
唔知會唔會太細張大家睇唔到......
就以第一張為例, 同一個動作差不多的相已經有18張相(C+N_pre wedding-2127 -> C+N_pre wedding-2156)
好似第2張咁, 我地拖住隻馬就有19張差不多的相 (C+N_pre wedding-2275 -> C+N_pre wedding-2298)
又再睇第3張, 我地租左架真馬車影相, 今次有32張差不多的相 (C+N_pre wedding-2351 -> C+N_pre wedding-2409)
就以第一張為例, 同一個動作差不多的相已經有18張相(C+N_pre wedding-2127 -> C+N_pre wedding-2156)
好似第2張咁, 我地拖住隻馬就有19張差不多的相 (C+N_pre wedding-2275 -> C+N_pre wedding-2298)
又再睇第3張, 我地租左架真馬車影相, 今次有32張差不多的相 (C+N_pre wedding-2351 -> C+N_pre wedding-2409)
還有很多很多.....基本上整輯相都係咁樣~
更過份的是馬只有半隻, 車只有半架......
以下呢張係同行朋友用相機幫我地影的. 點解一個唔係專業的攝影師都識得影相要攞角度啦!!!
以下呢張係同行朋友用相機幫我地影的. 點解一個唔係專業的攝影師都識得影相要攞角度啦!!!
4) 激到你想跳樓事項四: 相中一係有助手, 再唔係有MUA, 或者有支燈
呢到講緊既已經係591張相內的其中70張啦~
如果要執走, 仲要俾錢添....
5) 激到你想跳樓事項五: 所謂的執相簡直係垃圾
來來回回已經執左幾次相, 結果裙尾咁大撻泥積依然係無執走.
究竟係因為太細撻佢睇唔到? 定係佢覺得根本唔大問題?
究竟係因為太細撻佢睇唔到? 定係佢覺得根本唔大問題?
6) 激到你想跳樓事項六: 拍攝期間所有飲食都要我地俾錢
大家都知道我影左幾輯Overseas PW, 我真係未試過要全程包飲食. 唔明白點解當日開會時唔講清楚?|
我問過仲有咩需要我地俾錢時, 佢地答案就話只係租車+油錢.
都唔緊要啦~ 仲要Cheap到連2蚊一杯雪糕 3杯都要寫埋落張單俾我地.
夜晚我地就慳慳地買野返Apartment煮野食, 食物都有預埋佢地. 點知佢地自己揸車出街食晚飯之後, 就Keep返張單最後一日先俾我地Claim返錢. 真係早午晚三餐都Claim足.....
我問過仲有咩需要我地俾錢時, 佢地答案就話只係租車+油錢.
都唔緊要啦~ 仲要Cheap到連2蚊一杯雪糕 3杯都要寫埋落張單俾我地.
夜晚我地就慳慳地買野返Apartment煮野食, 食物都有預埋佢地. 點知佢地自己揸車出街食晚飯之後, 就Keep返張單最後一日先俾我地Claim返錢. 真係早午晚三餐都Claim足.....
7) 激到你想跳樓事項七: 夜晚通宵趕執相俾其他客，早上就完全無精神影相
我地都同Chxis，MUA及助手住一起住同一間Apartment 3晚。可是，夜晚無論我幾多點起身去洗手間，我都見到攝影師坐左係到趕執相俾其他客。到左第3日早上我化妝時，仲見到Chrxs坐同一個位中緊眼訓。原來佢應承左客當日要交相，所以通宵無訓過不停執！
大家試想想，幫你影PW的攝影師3日無訓過教，或者每日只訓兩三個鐘。。。。。質素會係點？
8) 激到你想跳樓事項八: 拍攝前一晚想刪除其中一個景點
大家有影開PW都知道，影相前必定會同攝影師開會訂下影相地點，行程，時間等等～我地梗係都有啦！
離開香港前已經上過Chrix公司2-3次，去到澳洲之後每拍攝前的一晚大家都會再傾一傾。。。。
去到第二晚準備傾第三日拍攝行程時，Chxis提議刪除「燈塔」這個景點。
原因係車程要1.5小時，但去到佢只會同我地影半小時！
但所有行程都係我們於香港出發前傾好晒，大家都覺得無問題，我仲整好晒Powerpoint，有晒Google Map點對點的距離俾佢地參考。由於呢個燈塔係鯊魚先生唯一指明要去的地方，覺得呢到好靚。因此，我們堅持要去呢個景點！
Cxris知道我地堅持後，就表示只會影得好趕。因為「燈塔」這個景點係非常郊區的地方，沒有網絡，佢地要下午2點前趕回市區有Wi-Fi的地方Send相俾通宵趕執相的客人。
離開香港前已經上過Chrix公司2-3次，去到澳洲之後每拍攝前的一晚大家都會再傾一傾。。。。
去到第二晚準備傾第三日拍攝行程時，Chxis提議刪除「燈塔」這個景點。
原因係車程要1.5小時，但去到佢只會同我地影半小時！
但所有行程都係我們於香港出發前傾好晒，大家都覺得無問題，我仲整好晒Powerpoint，有晒Google Map點對點的距離俾佢地參考。由於呢個燈塔係鯊魚先生唯一指明要去的地方，覺得呢到好靚。因此，我們堅持要去呢個景點！
Cxris知道我地堅持後，就表示只會影得好趕。因為「燈塔」這個景點係非常郊區的地方，沒有網絡，佢地要下午2點前趕回市區有Wi-Fi的地方Send相俾通宵趕執相的客人。
呢一刻，我恍而大悟知道點解佢要極力游說我們取消呢個景點啦！
事實上，當日我們只有半日拍攝行程的，所以景點都只有2個。出發前我們都知道的～
事實上，當日我們只有半日拍攝行程的，所以景點都只有2個。出發前我們都知道的～
結果，全輯PW相最靚的就係呢個景點影既相啦！
順帶提一提： 當日佢地來回郊區及市區去交相俾客人的租車錢及油錢都係計埋落我地張單到架！
9) 激到你想跳樓事項九: 答應會交回Raw Files，結果玩失蹤
當我地睇左呢輯所謂十大攝影師的傑作時，要我地選出60張要既相真係好難。因為有好多都選唔落手！
我一直都有同Chrix表示我對呢一輯PW相係極到不滿意，根本就唔可以變貨。所謂的執相更加就嚇死人～
於是我們要求退回所選的60張相Raw Files，可以等我地自己再俾錢搵人執過！！！
我一直都有同Chrix表示我對呢一輯PW相係極到不滿意，根本就唔可以變貨。所謂的執相更加就嚇死人～
於是我們要求退回所選的60張相Raw Files，可以等我地自己再俾錢搵人執過！！！
好多謝我另一輯PW的攝影師知道我的遭遇後，對我們都深表同情，仲主動仗義幫我們執一執相。真心感激！
Chxis Bxt於12月中時答應過可以退回所選的60張相Raw Files，會連同相簿油畫一同俾我地，佢都有表示呢D係佢公司資產。
我地都明白，如果輯相唔係差到咁的話，我要你既Raw Files又有咩用呀？唔通我地真係嫌錢多要再俾人執相咩？大家都只係希望救得幾多張相就盡救姐。。。。。。
我地都明白，如果輯相唔係差到咁的話，我要你既Raw Files又有咩用呀？唔通我地真係嫌錢多要再俾人執相咩？大家都只係希望救得幾多張相就盡救姐。。。。。。
結果，交相簿油畫時的確有隻CD跟俾我地，但只有JPG，並無任何Raw Files。我曾經多次打電話俾Chxis，女朋友P小姐，經Whatsapp，Facebook留言都無任何回應，玩失蹤一樣！請問專業操手何在呀？
人地將PW交俾你地，但你地俾D咩野人先？
人地將PW交俾你地，但你地俾D咩野人先？
完成拍攝後，我都禮貌上有Whatsapp答謝佢地既辛勞。話晒都見到Cxris又訓低，趴地咁影相，果一刻那些租車油錢，雪糕飲食錢都覺得係好少事。只要影一輯靚相出黎就咩都無所謂！
但當我收到輯咁既相個一刻時，我真係嬲到爆！！！！！！
但當我收到輯咁既相個一刻時，我真係嬲到爆！！！！！！
總括:
今次俾左差不多3萬蚊去影呢一輯垃圾Pre Wedding完全係唔值.
就係因為相信佢係 [香港十大攝影師] 之一!
可惜, 澳洲PW就此蒙上污點.......
我好幸運, 鯊魚先生見到呢輯<相>時立即答應同我再影過. 雖然無機會再去澳洲影過啦, 但最起碼都有返輯靚的PW. 否則我唔敢相像如何是好!
如果只有一次影PW機會的你, 我真心勸你要小心選擇!!!!
我唔知道係唔係我自己要求過高?
我唔知道呢D係咪正常PW的收貨標準?
如果我唔講, 又無左袋鼠張相的話, 大家又睇唔睇得出呢輯相係澳洲影呢?
我唔知道呢D係咪正常PW的收貨標準?
如果我唔講, 又無左袋鼠張相的話, 大家又睇唔睇得出呢輯相係澳洲影呢?
考慮左好耐先打呢一篇Blog. 目的唔係要唱衰呢間公司, 我只係唔想再有無辜B2B會步我後塵, 後悔莫及!
~不喜勿插~
登入FB回應：比成3萬蚊影輯垃圾PW…收到香港10大攝影師作品時想跳樓！
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。