「成世人流流長，總會愛上幾個人渣」希望搵到呢個賤男...
我同葉兆倫大概一個月前認識, 佢果陣聲稱自己叫葉柏桸。大家見面後雙方都好有好感, 第二日見面就一齊了。佢好靚仔, 又大隻, 青靚白淨, 表面有錢,聲稱自己系富二代。著valentino鞋, fendi袋, 我自己係一個肥妹黎, 無自信樣又普通。
同佢一齊唔係貪佢有$定靚仔, 而係大家背景好似, 佢黎自破碎家庭, 我屋企又係離婚, 我一路都想組織一個屬於自己嘅家, 而傾落同佢嘅目標都一樣。 佢話覺得我同佢之前D女朋友好唔同, 佢D ex全部都係靚女, 唔係做化妝就係model, 但佢有事嘅時候D ex會離開佢, 佢話感覺我心地善良, 單純, 我嘅優點係好多女仔無, 佢感覺可以同我行到最後, 因為我會對佢不離不棄。 我就係咁樣俾佢D甜言蜜語迷倒了... 試問有邊個女仔聽咗會唔冧? 我地第二日見面就一齊, 佢仲接我收工, 大家就去海旁傾計, 之後惡夢黎了。佢用架跑車車完我返屋企, 佢就問我豬, 你頭先有無見到我拎住個袋? 我話無, 跟住佢話跌咗, 話個袋入面D$唔係佢嘅, 趕住俾人, 佢話自己撈偏, D$未有咁快轉得切, 問我借住七萬, 果次係第一次借$。呢件事解決咗之後, 佢話好快還到俾我, 我又帶佢上我屋企食飯, 正常拍拖睇戲。跟住過幾日佢話揸快車收到D罰單, 佢之前瘋狂架駛已經俾人扣哂分, 佢話一定要搵人頂包, 如果唔係佢一定會坐監。我唔忍心又借咗6萬佢搵人頂包。
之後我地感情又進一步, 我地大家有結婚嘅諗法, 但暫時又無$住, 到星期六15號, 佢話要去做野, 叫我一定要請假, 因為佢做完野就即刻有$可以還俾我, 叫我係佢做野樓下等佢, 佢話D$一分鐘都唔想欠我, 佢話D$解決咗就唔會成日因為呢樣野嘈。。。 佢叫我佢做野果陣打俾佢3次check住佢, 佢話驚出事。原來佢所謂做野係去偷野, 我第三次打俾佢時佢話豬, 出咗事啦, 叫我上去個鋪頭到, 見我幾面佢就要去差館, 我上到去個店主話佢同兩個朋友偷野 cctv捉到正, 果兩個朋友走得甩佢就俾店主捉到。。。 當店主話要報警, 佢之前話揸快車要坐監, 今次佢話偷野係為咗還$俾我同有$同我結婚, 我仲邊忍心睇住佢俾人拉。。。 佢偷果件野係一個佛牌黎, 值三十萬, 我手頭上又無咁多$, 店主話點都要擺低少少先可以放我地走 所以佢就叫我用信用卡買條金鏈, 放低條金鏈俾佢就放我走, 買完拎上去, 店主話要我寫欠單做我條仔擔保人, 星期一還哂D$, 擔保書內容大概係我欠甲方$260000, 星期一還清, 仲要寫埋我老豆名同地址, 電話號碼, 仲要我拎住張身份証同張擔保書影張相先肯放我地走。。。 到星期一要還$了, 我銀行只有$160000, 諗住拎俾佢先, 睇吓可唔可以分期還, 佢話我玩野, 跟住俾咗個限期我, 三點前佢收唔到全數就印一千張我拎住擔保書嘅相, 要貼係我老豆住嘅地方, 要同我老豆講我簽咗張擔保書, 我好驚... 所以又去返銀行, 拎埋我D定期出黎還$. 當還哂嘅時候, 個店主就燒咗張擔保書同刪咗我張相。。。
以為一切已結束嘅時候, 我男友就送我返公司, 果日落大雨, 佢又幫我拎住個袋, 佢話我大意成日跌野, 叫我唔好擺電話係褲袋, 就提意我俾個電佢佢幫我擺係個袋到, 我開頭唔肯話我中意電話跟身, 但最尾都俾咗個電話佢, 果一刻係我最後一次見到部電話了。。。佢送到我公司門口又錫我又話即日夜晚6點前一定還到$我, 又話陪我食晚飯, 點知返到公司換衫先發現電話唔見咗。。。之後就已經搵佢唔到, 佢fb已刪埋, 電話已關機... 如果係假個古仔係我作出黎都無可能作到咁長細, 我就係唔知cid會做到幾多野, 先想靠人民嘅力量。。。我相信香港仲有好人, 仲有同理心嘅人, 唔中意覺得我係到尻up嘅, 可以唔洗留言,,, 我係真心愛佢先肯無條件付出的... 多謝各位關心同幫忙....
登入FB回應：「成世人流流長，總會愛上幾個人渣」希望搵到呢個賤男...
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。