【移民台灣】睇住我老公由毒男變「大滾友」我好絕望...

追蹤Hothk!
分享給朋友:

我老公本身做IT, 溝唔到女果堆
肥佬一名, 寫程式.
但我貪佢個人夠老實
3年前, 我們認識5週年, 我大左肚, 決定結婚
當時我同我老公死慳死抵, 先儲得一百萬, 之後佢老豆再比多一百萬佢資助佢買樓, 加埋有200萬.
已經夠比首期有凸, 可以買到400尺單位.
但佢有個朋友叫阿俊, 是開投資移民顧問公司, 哄佢與其香港買劏房, 不如移民台灣.
台灣人工低過香港一大截, 去到果邊冇人冇物, 我當然唔肯.
而佢朋友阿俊就話人工低先方便創業, 叫我老公唔好打工, 移民顧問公司會教埋佢做生意.

我老公係乜野料子, 我心知肚明, 係叻既一早發左達, 點會識做生意.
但我都同佢捱, 最後同佢過左台灣.
去到台灣, 我待產時長期冇人照顧, 什至大住個肚都同佢做家務, 煮飯. 當時我真係好辛苦.
過左兩年. 我老公開始事業有成, 搞手機遊戲apps. 我們亦由細屋搬大屋. 佢身家亦由2百萬港幣變成1億台幣.

正當我以為我既辛苦係值得既時候, 我既好日子來臨既時候, 比我發現佢唔妥. 佢成日唔番屋企訓, 話生意好忙, 但你幾忙都要訓覺, 冇理由一星期可以4晚都唔番屋企訓.
肥佬老公瘦左, 支整左, 仲學人gel頭.
有一次我忍唔住偷睇佢手機, 發現佢出面有女人.
我當時個心好慌. 係咪所有男人有左錢之後, 就會身痕?
係咪所有男人都係望發達、死老婆?
我一個女人帶住個女, 個女唔可以冇老豆, 於是我選擇啞忍. 諗住佢出去玩下, 識得番屋企就可以...

之後, 我始終都忍唔住check我老公手機
我發現好多時都係D女仔聊佢多過佢聊女仔
原來好多台灣女仔, 將港男睇高一線, 見到港男就發晒姣
我心諗我老公咁樣衰妳都話佢係全世界最靚仔? 冇野嘛

我老公唔止一個女仔, 佢起碼同時仲有3個台灣女朋友.
其中一個是大學一年級生, 叫阿珊. 樣又靚過我, 波又大過我, 點會揀我老公呢D已經36歲既中坑.
我睇佢都係為錢.

最大獲既事, 係比我發現個女仔有左BB

我質問佢係唔係去滾, 佢話我痴線. 然後又出左去唔番屋企訓

到我忍唔住話要離婚, 佢先知驚, 很認錯, 求我比多次機會佢.
佢在台灣賣左唔少資產, 話番香港由頭來過.
番香港都好, 我相信佢就此可以同班台妹斷絕關係

因為我地已經在台灣住夠一年, 已經成功拎左台灣籍, 所以可以隨時進出台灣, 不限日子.

當我以為佢真係肯改過, 點知原來佢係有陰謀


佢話番香港, 咁香港一向都冇樓, 之後佢就話買間大屋, 比埋老爺奶奶住, 多個老人家照顧BB女會好D
有幾多個女人可以忍受到同老爺一齊住? 但最後我都屈服, 只要佢唔去滾

我唔比佢番台灣, 因為地已經在台灣住夠一年, 已經成功拎左台灣籍. 無謂佢又番去滾.
佢用電腦remote番台灣都做到野, 用電腦一樣開到會. 係有時佢見客, 我先比佢番去.

點知過幾唔夠半年, 比我在佢電腦上面又發現佢去滾既痕跡.
原來佢同佢之前個大學生女友仲未繼絕關係!

我真係嬲到震. 我為左佢BB都生埋, 佢又走去滾.
我決定要離婚, 今次佢竟然意氣風發, 仲話等左好耐.

原來個衰佬, 專登番香港將D資產轉晒比佢父母同家姐. 我即使同佢離婚, 都分唔到佢幾多錢, 我點會諗到佢咁賤.
個台灣妹都有層樓揸手, 而我分佢身家, 得到既仲少過個台灣妹.

我同佢捱左8年, 竟然得到既仲少過一個識左8個月既台灣妹, 點解可以咁無情...

男主角現身了.. www.hothk.com/66009


登入FB回應:【移民台灣】睇住我老公由毒男變「大滾友」我好絕望...

喜歡這些文章嗎?按個讚接收更多吧!
上一個主題看更多
下一頁
香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。