香港網

找回密碼
立即註冊
搜索
熱搜: 活動 交友 discuz

【感人】

港人回憶!!譚玉瑛阻住個地球轉 X 張敬軒《青春常駐》

來自: 網上瘋傳 上一主題上一篇 | 下一篇下一主題 | 返回 |
7 December 2014 23:40

軒仔以最真摰的歌聲加上譚玉瑛姐姐最動人的情感演繹配合年度主打《青春常駐》­;令現場一萬三千位觀眾淚如泉湧。是次特別演出由軒仔及Wyman二人為譚玉瑛度身訂造,籍此鼓勵香港新生代繼續為未來­努力。譚玉瑛當中有一句對白:「小朋友我要走喇!呢個世界交畀你喇!保重!有時候去到­人生另一個階段,放手先可以掌握更重要嘅未來,背住咁多嘢…點飛?」看似簡單的道別卻­語重深長。多謝你咁多年0黎陪伴我地成長呀! 譚玉瑛姐姐~

張敬軒 Hins Cheung《青春常駐 《HINS LIVE IN PASSION 2014》featuring 譚玉瑛 OFFICIAL官方完整版[HD][MV] - 英皇娛樂 @香港人童年回憶湧出黎@《HINS LIVE IN PASSION 張敬軒演唱會 2014》

阻住個地球轉 (轉自:葉瀚華)
當大家營營役役,追尋理想,有冇諗過有一日,老闆叫你入房,同你講:「多謝你咁多年來工作,聽日開始,公司唔需要你喇。」你自問咁多年,何止盡忠職守,表現好到應出二十個月糧,但公司咩原因唔要你呀?好簡單,因為你老喇。

係,我好感觸,因我剛剛經歷完本周最催淚的十二分鐘——張敬軒演唱會version《青春常駐》,featuring譚玉瑛姐姐。歌一早聽過,內容係對「美好的總會流逝,時間會帶走一切」的無奈控訴。但當譚玉瑛姐姐一出場,一句「各位小朋友,好耐冇見喇」,《青春常駐》即刻成為佢故事主題曲。呢十二分鐘,係一個非常熱愛自己工作人,親口同你講,面對時代巨輪,最終被迫要放手離場的故事。

原來,譚玉瑛姐姐由一九八二年開始做兒童節目,足足三十二年,亦即係由小弟吸第一啖氣開始,佢就每日約定小朋友四點半見面。呢班小朋友一批批咁長大,其他主持人亦如走馬燈,只有佢繼續留落。你能夠想像佢有幾鍾意呢份工作,才能三十二年來留守一個崗位自我燃燒?

今日,譚玉瑛姐姐將自己比喻為最後一條恐龍,面對大滅絕,佢話,唔走就阻住個地球轉。聽到呢度,我真係好心痛。我個社會,一邊識得用經驗去衡量人的價值,同時間又會因為一個人做得太耐而迫佢離開。年紀大係問題,且嚴重到,無論你有幾投入,有幾大付出,時間一到,你就要走。

「時光這個壞人,偏卻決絕如許,停留耐些也不許。」《青春常駐》將滅絕原因歸咎於時間,我覺得時間不過係幫兇,人類錯誤的價值觀先係真正兇手。今日返到公司,見到前面個小朋友魂遊太虛,返工等放工,不妨話佢知,其實有好多人想做都冇得做,麻煩佢唔好阻住個地球轉,年輕唔係大晒。

贊助廣告: 香港著數網 | 優惠卷代碼 Today Jetso Club  2019-2020
想接收更多? 



香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。