一個男人最幸福的是，找到一個願意和自己窮遊的女人
友人最近去完日本返黎，諗住約佢出黎食飯兼且聽佢開心share，點知一見面佢劈頭第一句就同我講：「嗚我俾人飛左呀！」
我R爆頭都諗唔明，明明我朋友佢咁好仔，而且拍左拖無耐就主動出錢請女朋友去旅行，而個女仔我都見過一次，斯斯文文正正常常咁，因咩事去完個旅行返黎就搞成咁？
「你記唔記得我之前咪同你講我上網搶到＄1機票既，點知出發個日佢見到我行去HKExpress個counter已經黑晒面，仲要我唔記得加行李，佢又帶左兩個棺材咁大既篋，咁我都已經醒水，即時加幾百蚊買返個行李位。」
其實我都唔明，點解女仔次次出門，即使係去澳門咁近的地方，都要拖個篋，好似要將成個化妝室衣帽間都搬晒出來咁，我好懷疑佢地寧可唔見passport都唔想無左個篋。不過我見朋友死狗咁樣，呢番話當然無講出口。「咁咪ok搞掂囉，No Big Deal Man!」
「如果係咁簡單就好，一上到機佢就話 「OMG，乜d位咁窄架，又無電影睇，好悶囉」。咁我咪話唔緊要，我陪你傾計啦，反正日本好快到，點知起飛冇耐佢就訓到打晒鼻寒咁，空姐過黎叫我地細聲d，但我又驚嘈整佢會嬲，當時情況不知幾尷尬。」
哇頂，如果俾著我當時一定會兜巴拍落條女‥前面張枱度整醒佢，不過唔打緊，過左海就神仙啦，我問佢係咪無安排好行程俾人呀。
「唔係啦，我都不知安排左幾多行程，上網d人話要去既乜寺物寺呀、公園呀我都安排好晒，點知佢行左一陣就話又熱又悶，不如去商場行下仲好啦！我一聽到商場就知大鑊，咁我咪話難得黎到日本不如行下景點先，過兩日再同你行街啦！」
之後我已經想像到個女仔的反應，果然無估錯，個女仔即時黑晒面，話我朋友孤寒淨係帶佢去d免費景點，一講shopping就縮沙。哇要行商場不如留在香港同d 大媽一齊行啦！咦！咪住！我記得朋友同我講佢book左hostel喎！
「唉呢個真係唔好再提！佢去到見到要同人share一間房又要share浴室，就即刻話唔住，怕無晒私隱，又話d行李就咁放在房裡面好唔安全，訓覺又要俾人睇住。其實我谷左成日真係嬲嬲地，咪忍唔住講左一句「你都係唔想俾人見到你個素顏樣姐。」講完個刻我就即刻變到好似emoji隻馬騮咁㩒住個咀，因為我見到佢已經著晒火，然後下一刻佢就話「我地分手啦！你要住呢d咁既地方你自己住夠佢，我而家去book溫泉旅館住！」之後就頭也不回地走了。」
佢講到呢度，已經忍唔住眼濕濕，「喂男人老狗，分手姐駛唔駛喊呀！」
「你唔明架啦，到左今日我都仲係未平復到我心中個份喜悅，我幾驚如果佢唔飛我，我真係成份糧都唔夠請佢去旅行呀！」
呢一刻我先明白到，原來要搵到個肯陪你搭廉航、唔介意同你一齊訓機場同挨面包、會同你去住hostel識新朋友、願意同你行晒旅程上每一段辛苦路既女朋友真係唔容易。如果真係有幸遇到呢種女仔，我淨係諗到四隻字：
娶得過！
背包浪子
登入FB回應：一個男人最幸福的是，找到一個願意和自己窮遊的女人
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。