香港網

找回密碼
立即註冊
搜索
熱搜: 活動 交友 discuz

賤男「賣仔還債」搞大肚哄帶返大陸賣..為錢可以去到幾盡?

來自: 爆料熱線 上一主題上一篇 | 下一篇下一主題 | 返回 |
18 July 2017 20:23


到左今時今日呢一刻,我已經唔想再因為你而承受我不必要既壓力,由同我認識開始,你就滿口謊言,到我同你一齊唔耐就有左,你為左要我落左個仔,你就同我講話會同我結婚,不斷氹我,之後再話會俾個家我,一齊照顧個bb,你仲氹我叫我俾個仔你拎返大陸俾人湊,事實上你就係想帶佢返大陸賣左個仔幫自己還債!


果陣我仲信你會一齊照顧個仔,之後你有一次發高燒,你打電話俾我,我咩都唔諗即刻去買野食送上你度俾你食,你係病,但你果陣明知我有左已經唔舒服,你都要搞我,之後再同我講要你就落左個仔,有個仔就無你,你迫我係你兩個之中選擇一個,再用藉口同大話黎呃我,講到有咁慘得咁慘去令我相信你順服你去落左個仔,但係我選擇左個仔,離開你,唔想再增加你既負擔,同你講「你努力還晒啲錢先喇,個仔我會好好照顧,到你還完啲錢你想返返黎既就返黎喇,我會係度等你」,

之後你就同我講「你生個仔出黎都係因為想屈我俾錢你」,錢「我由陀住吖b到依家吖b5個月大,我一蚊都無拎過你」,我因為為左唔俾我屋企人知道你既野,同屋企關係變差,到依家都係因為你而搞到同屋企人反面,無家可歸!你開口埋口話我搵人打你搵人搞你屋企人,到我問點解如果有人打你一定係關我事,點解唔係你欠債俾人打?係因為你講咩俾人收數收到返屋企,俾吖媽趕左出門口無屋企返,返工果度又炒左你,一時話住鐵皮屋,一時就話同啲白粉友住劏房,又話無錢食飯又剩,我擔心你,我知我好聲好氣你係唔會俾我幫你,我把口唔叻,只可以用惡劣既態度你先肯屈服,我怕你食唔飽著唔暖,逼你黎見我,至少見面既時候可以俾你食得飽先,點知全部都係大話,你其實係繼續係銅鑼灣間鋪做緊,一直都係逸濤樓住緊,仲話咩唔會再拍拖,因為我既關係怕左拍拖呢樣野,但原來你一早已經同第2條女一齊,

我懷孕既時候有產前抑鬱,你無理過我仲不斷話我鬧我,見到我就拍我個頭,到我生,你話想見我同個仔,到個仔兩個幾月先肯出現,仲要係我要你還返2000蚊俾我,你先望個仔10秒都無,趕住返去陪你條女,到我產後抑鬱你都無理過我,到我見到你終於係whatsapp頭像轉左你同你女朋友張相同狀態度打「對唔住,寶寶」我先知你一直都係度呃緊我!到我問你點解,你就話唔係,佢只係朋友,又話個女仔幫緊佢,之後又改口話只係同朋友玩誠實與大膽先咁做,我蠢但未至於蠢到咁,仲有你吖媽點話我?話個仔唔係你既,話係我出面搞3搞4搞大個肚返黎屈你!果陣我晚晚都係你屋企架!

都係因為你媽講「你唔好係度訓喇,你知吖姨驚咩既,你知吖姨想講咩既」但係果陣我已經有左吖b,而你一句都唔敢同你媽講!又話我推晒啲責任俾你,咁我依家做緊啲咩?因咩搞到同屋企人反晒面?我既責任已經做緊,好好照顧吖b,但係你呢?我逼你內射我?我有無拎刀拎槍逼你內射我?你唔鍾意小朋友所以你唔洗對個仔負責任?之前我愛你心痛你,因為我以為你仲係愛我,我先願意自己承擔一切,但原來你全部都係大話,全部都係為左我唔問你拎錢而講出黎既大話,之後我都無需要再為你諗為你擔心啲咩!你利用我對你既愛同關心,現在你封晒我所有野,無問題,大話講得多係要自己承擔返後果!



想接收更多? 



香港公司百科: 家居 親子 進修 美容 結婚 愛情 旅遊 音樂 網站 電腦 寵物 設計 飲食 送禮 商業 貸款 汽車 健康 運動
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。