×
熱門搜尋
2222
標籤: 暫無標籤
000QUVED832CD9E77B70C6j.jpg

唔少香港人都鐘意食放題,貪佢可以一個價錢任食,一次過食到多款唔同食物,一次過滿足多個願望!最近有網民開post,以「最癲見過人點食放題」為題請大家分享經歷,巴打絲打好似好有共鳴,以下呢「8大最癡線食放題事件簿」,你有冇遇過?又或者你有冇做過…

8個食放題最癲事件簿
1|中場換人
有網民話見到有人食放題嗰時,竟然可以好似踢波打籃球咁,食食下換人!?有個人上半場食飽走咗,下半場就見到第二個人入咗去繼續食。嘩,真係明副總其實二人同行,一人價錢,好L抵!

後備入替,接力繼續食! 2018-06-11-7.12.13_2073998405b1e5e6d69c37_11850477285b1f8280c08ba.jpg

2|趙完鬆
有網民見過2個MK仔食放題,食得好急,食完就行後樓梯走咗。之後個經理知道咗就好嬲,仲不斷鬧個下屬。
2018-06-11-7.54.47_3327202875b1e6318936f5_8649433265b1f8287d7652.jpg

食霸王餐咁衰格?

3|另一半食到黑面
網友話見過有對情侶去食放題,點知條仔掛住打機,女朋友即刻黑面。條仔又叫埋啲火鍋個啲,而女朋友就繼續黑面,搞到最後無點食過嘢就走,成程半個鐘都無。小編就覺得,嬲還嬲,唔好同個肚過唔去,食飽先慢慢嬲呀嘛!

4|叫飯食食到飽
有網友話上次同朋友食放題,朋友第一時間剔左個揚州炒飯,食完就飽。其實要食飯落茶記食啦,平好多喎!

5|刺身L出沒注意
有網友兩個人去食放題,每人嗌咗各100刺身,其他嘢都叫咗幾round。其實小編同唔少香港人一樣都好鍾意食刺身,不過100片刺身真係食得晒咩?雖然填咗100片都唔會真係出100片刺身俾你。

6|有理冇理嗌咗先
有網友見到人吔個枱叫咗20窩清酒煮蜆,嚇到個經理行埋嚟問係咪落錯,佢哋話冇填錯,結果半個鐘唔使就食晒。

擦得當然冇問題啦,但相信唔少人都見過無品食客刻意浪費的情況,有網民就話曾經見過隔離枱叫了一整盤約20件壽司,但食都冇食過就埋單走人。

7|異類「細食客」
唔少網民都分享見過的「大食客」,但其實「細食客」喺放題世界同樣係異類,有網民就話見過其他食客只係食少少,食量同付出價錢完全唔成正比,例如「淨係叫左1碟牛肉1碟菜,然後全程坐起度飲野吹水」,「我朋友自己一個食放題 淨係叫一球雪榚」。

8|嘔完再食過
呢單真係好癡線,有網友話有次一大班friend去食放題,坐隔離個friend食完一輪就去廁所,去完之後又繼續係咁食,如是者去咗幾輪廁所,搞到網友忍唔住問個friend:「無野嘛你去左幾次廁所痾仲食得咁癲?」點知個friend話:「癡線邊個話你知我肚痾?」。原來個friend係走咗廁所嘔,嘔完再出返嚟食。大佬呀你唔好咁癡線啦!


寫了  篇文章,擁有財富 ,被  人關注

回復

使用道具

搶頭淡湯!成為第一個回覆的人。


贊助廣告:
優惠卷代碼2020

Archiver|香港網 |網站地圖 | 會員登入
Powered by www.hothk.com   © 2001-2020
返回顶部
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。