馬國明和湯洛雯早前於1月1日元旦日向外界宣布訂婚喜訊，今日（22日）正值大年初一，兩人以準夫妻的身份換上情侶裝拜年，只見靚湯一臉冧樣，表示：「佢話初一一定要着黎拜年！」
靚湯在Instagram上載一張合照，相中的兩人均穿上一件有老虎和白兔圖案的衛衣，相信靚湯身後的就是馬國明，皆因她解釋道：「佢話年初一冇得洗頭唔出鏡，其實佢都係一位貪靚嘅男士！」再加上兩人衛衣上的老虎和白兔，正正就是代表屬虎的馬國明和屬兔的湯洛雯！
早前靚湯透露即將要到馬國明家拜年而感到非常緊張，如今見到她冧到爆的模樣，可想言之馬國明為她打了一支很大的強心針，閃爆一眾網民：「馬生馬太要幸福快樂 」、「一直咁樣sweet到漏」、「新抱仔」，連靚湯的妹妹亦忍不住留言：「好閃」。
靚湯的妹妹亦忍不住留言：「好閃」（IG：@roxannetong）
