公審地盤佬𥄫女捱轟「佢對眼侵犯我」港女現身反擊！

地盤佬溝女｜出街被望猶如「視姦」？有港女於網上發布3名地盤工人照片，明言「見到呢啲人，我想嘔，佢淨係用對眼已經侵犯緊我」，又形容「每日出街都好大壓力」。公審帖文引起網民爭議，批評港女公審做法無理，「靠自己手腳搵食嘅咩工都respect」、「咁都歧視？」、「眼看手無動又無出聲騷擾，有咩問題？」、「就嚟男人出街要袋埋部電話翹埋手合埋眼」。

而對網民圍攻，涉事港女事後發表長文回應，指「一個人唔識尊重人，唔識尊重自己，其實同佢着咩衫冇關，做咩職業無關。反而係呢啲咁嘅人，拖垮咗佢嘅職業」，又強調「我唔想抵毀咗人哋，其實我都係想要一個平視嘅對待，我行得正企得正，對得住天地良心，我都未驚過」。

該港女於Instagram（IG）發布限時動態，背景看到有3名地盤工人，她並在相片加上「每日出街都好大壓力，見到呢啲人，我想嘔」、「佢淨係用對眼已經侵犯緊我」字眼。

該公審地盤工人「用眼侵犯」的限時動態，後來被轉載至討論區。轉載的網民斥責「其實啲港女點解咁鍾意偷拍人再屈人？妳自己都知俾人偷拍唔舒服，己所不欲，勿施於人都唔識？」，又感嘆「人哋（地盤工）正正常常返工揾辛苦錢都要俾你偷拍老屈睇唔起」。

暫未知該限時動態發布時間，但大批網民看後都指摘港女做法無理，「仇男心態愈嚟愈嚴重，唔知點算」、「麻甩佬眼看手無動又無出聲騷擾，有咩問題？」、「好X癲」、「視線有罪？」、「望都唔得？」、「咩教育底下可以出到咁嘅價值觀嘅人」、「咁都歧視？」、「就嚟男人出街要袋埋部電話翹埋手合埋眼」。

也有網民為地盤工抱不平，「講真地盤工人起碼真係有付出勞力為社會作出實質貢獻，冇咗佢哋邊有咁多基建方便到市民嘅衣食住行」、「靠自己手腳搵食嘅咩工都respect」、「妳拎個鏡頭對住人影相點唔望住你」。

而對網民圍攻，涉事港女事後發表長文回應，「我由公司樓下行去巴士站，圖中果三個男人一直跟喺我後面，當中有對我指指點點，評頭品足，其實我一直都對呢類型嘅遭遇，我慣慣地，可怒不可言。我一直行到去，途中（圖中）嘅安全島，我同嗰三個男人都要停喺度等車過。而佢哋仍然都係用啲咁侵犯嘅眼光望住我。我已經直視返佢地示意我嘅不滿，然而，佢仍然係一副有恃無恐嘅眼光咁望住我，擺到明咁不懷好意地望，所以我先影到一張咁嘅相」。

尋日中午時份，我由公司樓下行去巴士站，
圖中果三個男人一直跟喺我後面，
當中有對我指指點點，評頭品足，
其實我一直都對呢類型嘅遭遇，我慣慣地，可怒不可言。
我一直行到去，途中（圖中）嘅安全島，
我同嗰三個男人都要停喺度等車過。
而佢地仍然都係 用D咁侵犯嘅眼光望住我。
我已經直視返佢地示意我嘅不滿，
然而，佢仍然係一副有恃無恐嘅眼光咁望住我，
擺到明咁不懷好意地望，
所以我先影到一張咁嘅相。
如果一個人懂得避忌，知羞恥，
我係唔會影到一張咁嘅相。

一個人唔識尊重人，唔識尊重自己，其實同佢著咩衫冇關，做咩職業無關。
反而係呢D咁嘅人，拖垮左佢嘅職業。

本來咁小事，唔想講太多，
但係我見咁多人都將呢件事牽扯到職業上，
我唔想抵毀左人地。
其實我都係想要一個平視嘅對待。

我行得正企得正，對得住天地良心。
我都未 驚過

她強調，「一個人唔識尊重人，唔識尊重自己，其實同佢着咩衫冇關，做咩職業無關。反而係呢啲咁嘅人，拖垮咗佢嘅職業」，又說「我唔想抵毀咗人哋，其實我都係想要一個平視嘅對待，我行得正企得正，對得住天地良心，我都未驚過」。