巴士不時出現乘客糾紛，近日網上流傳一段疑似阻後生女落車影片，一輛往來天水圍和銅鑼灣的967X線城巴上，有坐在靠近走道座位的中年漢，疑不願側身給予坐在靠窗座位少女足夠空間下車。少女擔心身體觸碰到中年漢及「撞到」，要求再讓一讓，引起中年漢不滿。車長知悉事件後，走到中年漢身前不斷勸說「讓下女仔囉」、「大家就一就啫」，惟他堅拒離開座位，令少女受驚哭泣。影片引起熱議，大批網民斥責中年漢「有心想博懵」，竟揚言少女可以撞過去，而且影片所見附近盡是空位，質疑其企圖。
原片：[想紅小編幫你] 咁多空位唔坐，係都要坐女仔隔離，仲要阻住唔俾人落車！ #廢老 #恰女仔可恥 #967x #天水圍
在一輛往來天水圍和銅鑼灣的967X線城巴上，有坐在靠近走道座位的中年漢，疑不願側身給予坐在靠窗座位少女足夠空間下車。（fb專頁「香港網絡日報」影片截圖）
facebook專頁「香港網絡日報」周五（17日）發布一段45秒影片，可見有名穿紅色短袖上衣、拿着黑色羽絨外套的中年漢坐在靠近走道的座位，身旁靠窗座位坐着一名少女。片初聽到車長勸說中年漢，「即係大家都係公民嚟㗎嘛，就一就冇問題㗎」，中年漢指出「咁佢咪自己行囉，有咩咁大件事呀？」，車長再說，「咁人哋女仔呀嘛」，中年漢駁斥「咁女仔又驚乜嘢呀？」，車長指「讓下女仔囉」，中年漢反問「驚我非禮佢？」。少女疑曾哭泣滿臉通紅，委屈地細聲解釋「唔係呀，我真係覺得唔夠位，我又唔想撞到你」，此時中年漢即說「唔緊要呀，你咪撞囉」。
中年漢續指，「唔緊要呀，我都唔怕俾你撞，你咁驚做咩啫？」，車長嘆道「唉，咁咪就一就囉，大家」，中年漢不滿指「點解要就呀？」，隨後側側身說「就咗俾佢啦，咁樣仲唔夠呀，點解要企起身畀佢呀？佢大啲？皇帝嚟嘅，武則天女皇，哼，真係神經病」。
車長繼續心平氣和地勸說，「唔係唔係，唔關事，大家就一就啫」，中年漢指出「已經就晒佢啦，咁樣仲唔夠過呀，你咩事呀？」，車長十分無奈道「唔好意思呀，真係，哎呀，佢（少女）又喊啦」。
網民一面倒斥責中年漢居心叵測，「咁迫一行過都掂到啦！想借啲意非禮？」、「佢都講到出口：我都唔怕俾佢撞。咁即係話，我就係想佢撞我」。
有網民認為車長應即時報警，「見到依啲都唔明，勸一句唔X聽，直接報警，使X同佢講咁X多，等差佬嚟，等佢同差佬講」、「對住呢啲人使X咁斯文咩」。有網民提醒女性要好好保護自己，「俾我就踩上凳跨去前面……佢唔肯起身，擺明想揩到個女仔喇，做女仔真係要好好保護自己，依家個社會真係好恐怖！」。
網友回應：
- 首先佢本身已經犯咗非法禁錮，其實條女係玩 一行嗰吓只要身體接觸 即時吖一聲嗌非禮，全車所有人都可以適當武力制服犯人架！
- 俾我就踩上凳跨去前面，點都唔會益到條廢老。佢唔肯起身，擺明想hi到個女仔喇！做仔真係要好好保護自己，依家個社會真係好恐怖！
- 擺明抽水啦！有咁多位唔坐，要坐個女仔隔離，越嚟越多呢啲死廢佬
- 條廢老住天水圍架？ 如果係分分鐘會比人濕幾獲都唔出奇
- 真係其實所有交通工具學日本咁有女性車廂最好
- 佢都講到出口：我都唔怕俾佢撞。咁即係話，我就係想佢撞我。
- 天水圍街坊，邊個老豆啊？認左佢
- 同佢傾個位太斯文，正常都x7左佢，佢話非禮咩？咪回番佢唔似咩？
- 最後點收科？女仔落唔到車都延誤左其他乘客行程，應該其他乘客都忍唔住出聲
- 原來果D撲街杏加橙唔肯坐靠窗個位就係想搵機會博懵
- 建議大家廣泛share 紅爆佢老味
- 見到依啲都唔明，勸一句唔L聽，直接報警使L同佢講咁L多，等差佬嚟等佢同差佬講
