呂慧儀23歲啤酒妹舊照曝光

早前有網民「銅鑼灣小志強」喺個人YouTube頻道分享李佳芯舊照，其「炒車」妝容卻成為網民焦點。呢位網民近日又再分享多一輯「珍藏」，不過對象係呂慧儀，其實呂慧儀喺選港姐入行之前，曾任模特兒，而且更得到過工展小姐冠軍。

睇返輯相，當時呂慧儀應該係為啤酒品牌做宣傳，穿上藍、黃色短TOP及外套，再配貼身長褲，雖然有少少肚腩仔，但完全唔影響觀感，喺大街上任影唔嬲。計返數，當時嘅呂慧儀只得23歲，擺起甫士時自然不造作，不輸同場嘅外國模特兒，而佢嘅化妝技巧亦明顯比當年嘅李佳芯更為優勝，只係膚色較為黝黑。