男網友更公開雙方交談嘅訊息內容，但當一眾網民睇完之後，唔好話法國網友，大家都話唔太理解佢嘅「台式英文」，仲話一邊睇、一邊翻譯、一邊笑！
「台式英文」鬧出笑話
訊息內容嘅開首係女網友用英文問：「sorry? who are you?（不好意思，你是誰？）」，男網友就回答：「is you +me OK?（編譯：是你加我的好嗎？）」，「No me +you Thanks.（編譯：不是我加你的，謝謝）」，就連台灣人喺尾句慣用嘅「好嗎」都「完美」翻譯成「OK」。
之後，女方表示自已係法國人，但男網友竟然突然寫話：「My fire big（編譯：我火大）」同「You 87?（編譯：你白痴？）」，睇到呢度，小編就認為一個外國人應該唔會明咩係「87」。
男網友一於懶理對方冇回應，繼續講，並指自己係個靚仔，仲叫對方唔好玩佢，真係睇到人撓哂頭。當然，相信對方都同大家一樣，完全唔知佢講緊啲咩，因此法國女網友最終放棄對話。
