×
熱門搜尋

更進一步!正能量IR1968印尼餐廳

標籤: 暫無標籤
這一晚,呢一餐,食得很有趣,在坐所有好友,都說這間餐廳的所有食物都「好難食」、「有朕臭味」,重點係---「咁難食的食物,你唔好食喇」!

因為大家心底裏都覺得,點解IR1968印尼餐廳的食物可以好食得咁緊要!好食到唔想同你share、想獨食、唔想你同我爭食!

如果你喜愛印尼菜,在銅鑼灣禮頓道屹立多年的印尼餐廳,你一定食過!正宗印尼菜和幽默有型的「印尼三兄弟」,曾經係飲食界的傳奇,更曾經將版圖擴展至尖沙咀、旺角及沙田。

可惜,用心經營敵不過業主瘋狂加租,連玄門正宗的銅鑼灣店都要失守!還以為從此沒落,卻原來靜極思動,兄弟同心其利斷金下,集三人之力及總廚的實力,從新在中環出發,裝修環境以及最重要的食物質素,全部超越過往的境界,實在可喜可賀!



(美中不足是我部Pentax Q及Sony相機,昨天經過一整日勞動無晒電,晚飯只有靠i phone在浪漫暗黑環境中拍攝,Oh....照片質素簡直 worse!!)


這三兄弟,從左至右,分別是大哥Hudson、孖仔Alfred及Alex,早就相識多年,開新餐廳重新出發,當然要支持!連同幾位相識多友的知心好友,試菜兼聚舊!

話明試菜兼捧場,當然要落力點菜,7個人叫到滿桌而回,認真誇張,而令我可以精選出色的印尼菜介紹給大家!

頭盤先上炭火沙爹串燒,在舊店時加追明爐上桌,保持沙爹熱力。今日減去明爐,但更著重肉質,size是一般餐廳的兩倍以上,真正啖啖肉!當中必試沙爹牛筋,充滿骨膠原,我們食完猛咁話「好難食」,又扮吐口水落沙爹,為的係一個獨佔,就知食味稱度爆標!

第二個必食推介係牛尾湯!湯頭香濃冇味精,最初只點了一碗,一試全部難忘!立即追加多三碗,仲誇張到叫 Hudson order一道out of menu的選擇,加米粉!變成牛尾湯米,不過米粉太索湯,將湯頭精華吸去,所以menu不提供牛尾湯米粉係正確的!只怪我太任性,硬要人加米粉俾我。

第三個必食推介係牛肋骨!我上年去峇里旅行時,就發現當地的燒牛肋骨極有水準,醬料的配搭尤其一絕,最難得係燒烤技術,完全緊鎖肋骨的肉汁,一點都不乾身,味道更加係超然入聖,無慮必點!


然後就係我最愛的海鮮部份,呢一味胡椒蝦又係經典,當待應放低時,賣相真係無懈可擊!佢亦可能係世界上,烤蝦型態最有型的!色香俱全,而味道呢?以急凍蝦來說,肉味尚能保持,大廚功力相當之高了。


有蝦當然有魚!印尼燒倉魚,又係我曾經在峇里一試難忘的味道!其實一坐低時,待應已經奉上一個名為「Bali Jimbaran Seafood Special」的餐牌,話明可以在香港食到峇尼的正宗海鮮滋味。的而且確,他們做得到,甚至令我有重回峇里的渡假日子。


黃薑飯有椰葉包裹,成個雪糕筒一樣!但我更難忘椰漿飯的美味,可惜我忘記了為包到成個粽一樣的椰漿飯拍照。不過呢個飯幾靠害,好味但熱量極高,除非你好似我一樣喪食唔肥,否則淺嚐幾口就可以,千萬不要獨佔一個,實肥!

最後加點的蝦醬炒椰菜球,用高級超市內最貴的美國迷你椰菜球炒的喔!

甜品係印尼炸香蕉雪糕,在香港並不常見的甜品!但食得印尼菜,當然要一試不常食到的甜品,才算不枉此行!

裝修格局當然一等一,三兄弟的正職除了是全力吹水搞氣氛,就係意想不到的品味室內設計!香港很多潮流商場、名店專櫃都係出自其手筆!還有從印尼運回香港的街頭車仔麵檔,去過印尼的朋友,一定見過,可見他們的設計心思。


呢三兄弟,識佢咁耐就真係帶足咁耐歡樂俾我地。其實今日和幾位好友聚舊,全因為好友DoDo確診癌症,我們一班好友特別想在她進行化療前,好好慶祝,並祝她早日康復。

我們分別以自己(當中有朋友是癌症康復者)、親友的經歷,細說目前的治癌技術如何先進及低副作用,最重要係給準備接受治療的人一份信心及支持,因為癌症的康復原動力在於自己的積極心理,不要以為患癌等如世界末日而消極放棄。

還有印尼三兄弟的分享,豪言自己三兄弟係「癌世家」、「有乜癌未見過」!搞笑之餘給予DoDo的信心,實在是良方妙藥,當我看到DoDo的開懷及積極的回應,我也深信她的病一定很快康復,就如傷風感冒一樣,食些少藥就可以好快好番!



昨晚搞笑高潮位,是碰杯祝酒時,好友P居然打破白酒杯腳,卻又身手敏捷地捉番實杯身,一滴酒都冇倒瀉過!Hudson立即扮葉問上身,空手劈白酒杯,再加七分chok樣,雖然唔係宇宙最強,但都幾肯定係宇宙最chok囉!


IR1968印尼餐廳
地址 : 中環皇后大道中139號The L Place 5樓
電話 : 2577 9981



———————————————————————————————————————————————

本週《MORE》專欄精采內容:

至強去雀斑醫學美容報告



投靠醫學美容儀器徹底打斑最見效,之但係坊間型號千萬種,點揀至安全又有效?我搜集資料與真實例子多時,今回終於可以同大家分享報告了。詳情請留意今期《MORE》雜誌內我的專欄。



facebook:香港美容專欄作家 Yoko Tsang

微博:http://t.sina.com.cn/yokot/
http://yokotsang.blogspot.com



admin

寫了 8473 篇文章,擁有財富 21809,被 1 人關注

點評回復

使用道具

B Color Link Quote Code Smilies

搶頭淡湯!成為第一個回覆的人。


贊助廣告:
優惠卷代碼2020

Archiver|香港網 |網站地圖|網站地圖 | 會員登入
Powered by www.hothk.com   © 2001-2020
返回顶部
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。 電話號碼查詢 財經新聞網 網上雜誌 餐廳推介2020 淘寶優惠碼 淘寶網購教學 Y3香港優惠 網上咖啡廳