×
熱門搜尋

怎樣減肥最健康?

標籤: 暫無標籤
上星期五出發去泰國,上飛機時,香港天氣又濕又熱,氣溫18度,輕裝上陣,諗住去到泰國,一落機除低件褸就可以暢游曼谷。
點知泰國氣溫係我出乎以意料的35度高溫,真係唔止除件褸咁簡單,直情要立即換季咁誇張!
噚晚星期日回港,只穿一件連身短褲jumpsuit回港,係型但結果出事了!一落機,氣溫只得11度咋。三日內遭遇三種不同氣候,加上帶病上機,鐵人都要跪低啦!結果不情願地病倒了。

雖然病倒,但我在床上仍然思考及回味泰國之旅時,和同行的好姊妹Jojo及《新假期》工作人員一番淘心話,大家都覺得,減肥對女孩子來說,真係一年四季都不能掉以輕心 !
點解?去到曼谷時,哎喲,大家在冬天儲埋D肥肉走晒出嚟呀!所以減肥真係要四季進行,咪諗住等到近夏天先發力,萬一遇著外遊熱帶地區,真係隨時出事!

於是乎,整個旅程的焦點話題,就落在如何減肥,及邊種減肥最有效的方法上。

以我為例,各位讀者,甚至我身邊好友都認為我減無可減,其實要減,一定有得減,所以我崇尚做機減肥,因為可以針對性去減,例如我想減大腿及pat pat贅肉,做機就可以集中火力去針對我想減的那一部位。

而機器方面,我最常做的就係VelaShape,RF射頻加真空負壓吸啜的運動性減肥,我自己最buy。M6都好,但我不喜歡要穿指定的緊身衣去減肥,所以M6不是我杯茶。(但不代表M6冇用)

爆脂機最近因為個別意外事件而變得聲名狼藉,其實其利用氣穴原理技術,將體內脂肪以超聲波打散再排出體外,原理上非常有效,可惜有些國內儀器缺乏品質控制,等於用大陸手機代用電池發生意外一樣,技術是好,但質量稍差的話,一樣會有意外,所以好的爆脂機很重要!

不過,做機或者太貴,並非人人負擔得起,所以我也認同天然減肥法,就係注意飲食及勤做運動。後者對一般OL或沒有運動習慣的人來說很難,用錯力練錯肌肉,隨時變樹根腳。
於是乎,《新假期》有位同事就推崇營養師式減肥。
即透過營養師根據個人體質,度身訂造個人專屬的減肥餐單,專業而有效,說的是,假如你肯去嚴格執行及遵守!
事緣《新假期》 有位女攝影師近排試過幫襯某大集團的營養顧問,一個月八百蚊就可以搵專業營養師調配餐單,瘦咗十多磅非難事喎。
我在這裏也曾撰文提及我一位朋友的營養師餐單,由108磅減至98磅。

不過正餐食物就只有瘦叉燒飯走色或魚蛋米走油,零食只可以食梳打餅三塊,但一包有四塊喎,其中一塊就要請朋友食,對於我一向大食喪食嚟講,寧願唔減肥呀!所以我從冇親身試過營養師式餐單,結果只有投向做機減肥或摵脂通淋巴,別冇他選。
至於我會否親試呢?或者都有機會,一日咁多啦!

———————————————————————————————————————————————

本週《MORE》專欄精采內容:
期間限定 必搶心儀名牌妝物
有內在美兼夾有外在美,特別討人歡心!美容護膚妝品如是,具實用性且包裝設計富有創意的,必能令女士們愛不釋手。Anna Sui、Paul&Joe、Dior的三款新品,皆以限定品掛帥,不但令我一見傾心,試用後覺得效果非常好。詳情請留意今期《MORE》雜誌內我的專欄。



facebook:香港美容專欄作家 Yoko Tsang

微博:http://t.sina.com.cn/yokot/
http://yokotsang.blogspot.com


admin

寫了 8473 篇文章,擁有財富 21807,被 1 人關注

點評回復

使用道具

B Color Link Quote Code Smilies

搶頭淡湯!成為第一個回覆的人。


贊助廣告:
優惠卷代碼2020

Archiver|香港網 |網站地圖|網站地圖 | 會員登入
Powered by www.hothk.com   © 2001-2020
返回顶部
重要聲明:本網站是以即時上載留言的方式運作,Hothk.com網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。 電話號碼查詢 財經新聞網 網上雜誌 餐廳推介2020 淘寶優惠碼 淘寶網購教學 Y3香港優惠 網上咖啡廳