馬會黑卡會員內幕消息？清貧女學生被騙徒呃錢又呃心
俗語都有話：「邊有咁大隻蛤乸隨街跳」，適逢呢排世界盃，Facebook等社交平台都有好多「乜哥」自稱係馬會黑卡會員，話自己有內幕消息，聲稱「做人做狗自己決定」、「幫大家發達」、又話自己「呢排都賺夠，好想俾人賺吓」。不過大家小心中伏，最近就有清貧女學生疑似受騙。
清貧女學生被騙徒呃錢又呃心
有事主稱，見到呢啲賭博貼士嘅資料，佢地講到自己九成會中，如果俾錯料仲可以退錢；又強調戶口有齊個人資料，絕對唔會「走數」！點知最後唔單止走數，連人都走埋！
個「乜哥」最初聲稱$500本金入會就得，之後又話要$1,000。點知再傾傾吓，又話$6,000一個月，$8,500永久。
事主話本來已經問得好清楚，$500係玩一個星期，「乜哥」睇嚟似坐地起價喎。清貧女學生覺得自己受騙，就要求退錢，仲俾埋銀行戶口號碼對方，叫佢盡快入返錢。
相信大家都估到之後事情發展！「乜哥」當然係潛咗水。
當清貧女學生等得唔耐煩，聲稱要報警處理，「乜哥」竟然俾咗兩個ok手勢。
清貧女學生追咗成個月，忽然收到一場「貼士」，並稱「500一場計劃已完結」，之後就影都冇。
賭博本身已經係旁門左道，更何況貼士，真係有嘅話馬會一早收檔喇！大家都係努力腳踏實地好過。記住：愈努力，愈幸運！
登入FB回應：馬會黑卡會員內幕消息？清貧女學生被騙徒呃錢又呃心
喜歡這些文章嗎?按個讚接收更多吧！
 看更多 |
 |
下一頁  |
重要聲明：本網站是以即時上載留言的方式運作，Hothk.com網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Hothk.com網站有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。